jeudi 27 juin 2013
Redondo de ternera con salsa espanola
السلام عليكم كاين شي شهيوات ديال رمضان
هدا أول موضوع ليا كنتمنى تشجعوني
اليوم جبتلكم وصفة من المطبخ الإسباني وكتقدم فالمطاعم الراقية وهي ساهلة وبنيييييييينة بزاف هو لحم طايب مع الخضر فالفرن ومعاه صوص وهاد لاصوص زوينة ومغدية وبنينة وصالحة لجميع الاستعمالات يمكن ليكم ترافقوها مع الأرز ولا ستيك ديال اللحم ولا الدجاج وحتى brochette ولا سندويش ديال الكفتة أو بوكاديوس أو شوارما الهم هاد لاصوص بنينة وراها تتعطي كمية كتيرة يمكن ليكم تخبعوها وفوق ما تبغيوها تجبدوها أنا تنخليها فالمجمد
المهم نبداو كنربطو اللحم هاكا باش ميتحلش أنا ختاريت هاد الطرف حيت تيكون رطب ونتوما يلا بغيتو توجدو غير الصوص أتديرو طرف ديال اللحم غي باش ينسم وصافي
ونقليوه فزيت بلدية غي يشد اللون وصافي ماشي بزاف
نزيد عليه تلات بصلات وجوج خيزويات كبار وفلفلة وشويا ديال الكرافس وملح ويبزار
ونخليو كلشي يتقلا مزيان حتى تدبل الخضر وتطلق الماء ديالها
ونمرقوها بكأس كبير ديال الماء يكون سخون يكون طايب مزيان وندخلوها للفرن
فاش تيطيب ويولي بحال هاكا نحيدو الخضر بالماء لي تيكون باقي فيها ونطحنوها
تنقطعوه رقيق بحال هاكا
تنديرو كريم فريش فالمقلاة ونزيدو عليه شويا ديال لاصوص ونزيدو عليهم كنور بنكهة اللحم نخلطو
ونخليوهم يغلاو شويا ونديرو فيهم قطع اللحم لي قطعنا وندخلوهم للفرن غي شويا
وها هو واجد وهنا درت قطع اللحم مع الأرز وخويت عليهم لاصوص
زوووووووووم
وهنا مرة وحداخرا درت لاصوص مع brochette والأرز وكيما قتلكم يمكن ليكم تديروها مع الشوارما والسندويش ولي بغيتو راها بنينة بزاف
Inscription à :
Publier les commentaires (Atom)
Aucun commentaire:
Enregistrer un commentaire