السلام على كل انيقات ومشرفات واداريات المنتدى كنتمنى تكونوا في احسن الاحوال
جبت ليكم اليوم طريقة هاد الكفتة الي درت كتجي رائعة وبناتي حماقو عليها نخليكم مع المقادير والطريقة بسيطة وساهلة ولكن المذاق روعة
المهم كنحتاجو
نص كيلو كفتة بكري واحد بصلة دريسات ديال الثومة قزبر ومعدنوس صوص صوجا ستة او سبعة الحبات الشومبينيو شوية الفرماج محكوك كيبقى اختياري
شوية تحميرة كامون بزار سكنجبير خرقوم ملح
كنقطع البصلة والشومبينيو وكنتبل الكفتة بالعطرية و الربيع والثومة مدقوقين
وكنعمل الكفتة على شكل طولي او الي بغيتو
فمقلة كنشحر البصلة مزيان حتى تحمر
من بعد كنزيد الكفتة ومكنحركهاش بالمعلقة كنبقى نهز غير المقلة حتى تقلى مزيان
كنعاود نتبل بشوية الربيع مقطع و شوية البزار والملح وعاد كنضيف الشومبينيو هو الاخير حيت بالزربة كيطيح ويطيب
كنزيد تقريبا ثلاثة معالق كبار ديال صوص صوجا
كنحرك وفي الاخير كنزول المقلة من على البوطة ونزيد الفرماج محكوك كتجينا لا صوص معلكة وبنينة
او بالصحة والعافية
Aucun commentaire:
Enregistrer un commentaire